Azərbaycan Premyer Liqasında yeni azarkeş rekordu qeydə alınıb
Futbol üzrə Azərbaycan Premyer Liqasında tamaşaçı sayında yeni rekord qeydə alınıb.
NUHÇIXAN-ın məlumatına görə, XXXII turun "Sumqayıt" - "Qarabağ" matçını 9300 azarkeş izləyib.
Mehdi Hüseynzadə adına Sumqayıt şəhər stadionunda qeydə alınan bu göstərici 2023/2024 mövsümünün yeni rekordudur.
Daha əvvəl bu arenada gerçəkləşən XXI turun "Sumqayıt" - "Neftçi" qarşılaşmasında 8100 tamaşaçı olub.
Qeyd edək ki, "Sumqayıt" - "Qarabağ" görüşü "gənclik şəhəri" təmsilçisinin qələbəsi ilə bitib - 1:0.