Naxçıvanda bayram yarmarkası keçirilir - FOTOLAR
NUHÇIXAN xəbər verir ki, bu gündən Naxçıvan şəhər Xətai küçəsi mərkəzi bazarda bayram yarmarkası təşkil olunub.
Bayram yarmarkasına bu dəfə digər ərzaq malları ilə yanaşı sənaye və ailə təsərrüfatı məhsulları da çıxarılıb. Yarmarkada ev şəraitində hazırlanmış rəngarəng şirniyyatlar, quş əti, balıq məhsulları, meyvə quruları alıcılara təklif edilir.
Bununla yanaşı satışa ailə təsərrüfatlarında bəslənən diri heyvanlar da çıxarılıb.
Bayram yarmarkası dekabr ayının 31-nə kimi davam edəcək.
Xanım Rüstəmzadə