Gənclər Zəngəzur milli parkına ekskursiya edib - FOTOLAR
NUHÇIXAN xəbər verir ki, Ekologiya və Təbii Sərvətlər Nazirliyinin və Gənclər fondunun birgə təşkilatçılığı ilə gənclərin Akademik Həsən Əliyev adına Zəngəzur milli parkına ekskursiyası təşkil olunub.
Çıxış edənlər Gənclər günü münasibətilə təbriklərini çatdırıb və gənclərin hərtərəfli inkişafı ilə bağlı görülən işlərdən bəhs ediblər.
Gənclər muzeydəki eksponatlarla tanış olub və muxtar respublikanın fauna və florasının zənginliyini göstərən videoçarxa baxıblar.
Ekskursiya çərçivəsində gənclərin Batabat ərazisində gəzintisi də təşkil olunub.
Ümumilikdə 24 gəncin iştirak etdiyi tədbir əyləncəli və maarifləndirici xarakter daşıyıb. Sonda Batabat restoranında gənclərə çay süfrəsi təşkil olunub.
Gənclər günü ilə bağlı tədbir keçirilib.