Naxçıvanda “Yaşıl məktəb” layihəsinə start verilib - VİDEO
Naxçıvanda “Naxçıvan Muxtar Respublikasının 100 illik yubileyi”nə və “Yaşıl dünya naminə həmrəylik ili”nə həsr olunan “Yaşıl Məktəb” layihəsinə başlanılıb.
Naxçıvan Muxtar Respublikası Təhsil, Ekologiya və Təbii Sərvətlər nazirliklərinin birgə təşkilatçılığı ilə təşkil olunan “yaşıl məktəb” layihəsi ilin sonunadək davam edəcək. Layihə çərçivəsində muxtar respublikanın ümumtəhsil müəssisələrinin ərazilərində reylefə uyğun 10 min meyvə və dekorativ ağaclarının əkilməsi nəzərdə tutulur. Dünən Naxçıvan şəhər məktəblərinin ərazilərində ilk ağacəkmə aksiyası keçirilib.
NUHÇIXAN Naxçıvan televiziyası əməkdaşlarının mövzu ilə bağlı hazırladıqları videomaterialı təqdim edir: