“EMA” aqromarket şəbəkələrinin Naxçıvan filialı fəaliyyətə başlayıb - VİDEO

NUHÇIXAN xəbər verir ki, “EMA” aqromarket şəbəkələrinin Naxçıvan filialı fəaliyyətə başlayıb.

Fermerlərin rahat şəkildə əldə edə bilmədiyi avadanlıqlar, keyfiyyətli dərman, gübrə, texnika və dezinkefsiya aparatları artıq əlçatandır. Əziz Əliyev küçəsində fəaliyyətə başlayan yeni aqromarket fermerlərə bu rahatlığı təqdim edir.

“EMA”da fəaliyyət göstərən peşəkar aqronomlar da fermerlərə dəstəyini əsirgəməyəcək. Mütəxəssislər əkin sahələrinə heç bir ödəniş ödəmədən baxış keçirir, tətbiq olunacaq dərman və ya digər vasitələrin normasını təyin etməkdə fermerlərə kömək edirlər. 

Şirkət “Orqanik Naxçıvan” brendinin inkişafına öz töhfəsini verməyi qarşısına məqsəd qoyub.

Açılış tədbirinin ardınca Naxçıvan şəhərindəki “Gənclik mərkəzində” fermerlerlə görüş də keçirildi. Təklif edilən xidmətlər haqqında fermerlərə ətraflı məlumat verildi, onların sualları cavablandırıldı.