Əlahiddə Ümumqoşun Orduda ağacəkmə aksiyası keçirilib - FOTOLAR

NUHÇIXAN xəbər verir ki, Əlahiddə Ümumqoşun Orduda Naxçıvan Muxtar Respublikasının 100 illiyinə və “Yaşıl dünya naminə həmrəylik ili"nə həsr olunmuş ağacəkmə aksiyası təşkil olunub. Ətraf mühitin qorunmasına, ekoloji tarazlığın bərpasına kömək etmək məqsədilə keçirilən aksiyada Əlahiddə Ümumqoşun Ordunun hərbi qulluqçuları, Heydər Əliyev adına hərbi Liseyin kursantları və pedaqoji kollektivi fəal iştirak edib.

Daim Vətənin müdafiəsində dayanan hərbi qulluqçular tərəfindən təbiətimizə töhfə vermək üçün muxtar respublikanın müxtəlif bölgələrində yerləşən hərbi hissələrin ərazilərində, o cümlədən poliqonlarda Naxçıvanın iqlim şəraitinə uyğun 10 000 ədəd ting əkilib.