Naxçıvanda ümumi daxili məhsul istehsalı 200 milyon 800 min 700 manat olub
Bu ilin yanvar-fevral aylarında Naxçıvanda ümumi daxili məhsul istehsalı 200 milyon 800 min 700 manat olub
Bu barədə NUHÇIXAN-a Muxtar Respublikanın Dövlət Statistika Komitəsinin mətbuat xidmətindən məlumat verilib.
Bildirilib ki, bu, 2023-cü ilin müvafiq dövründəki göstəricidən 2,7 % çoxdur.
Bu dövr ərzində əhalinin hər nəfərinə düşən ümumi daxili məhsul istehsalı 2 % artaraq 428,3 manat olub.
Həmçinin 2024-cü ilin yanvar-fevral aylarında muxtar respublikada 91 milyon 684 min 100 manatlıq sənaye məhsulu istehsal edilib ki, bu da 2023-cü ilin müvafiq dövründəki göstəricini 27 % üstələyib.