Naxçıvan-Şahbuz magistralında ağır yol-nəqliyyat hadisəsi baş verib, 3 nəfər ölüb - YENİLƏNİB - FOTOLAR
Naxçıvan-Şahbuz magistralında ağır yol-nəqliyyat hadisəsi baş verib.
NUHÇIXAN xəbər verir ki, hadisə Babək rayon Vayxır kəndi ərazisində qeydə alınıb. Belə ki, "Niva" markalı avtomobillə "Santafe" markalı avtomobil toqquşub. Hadisə nəticəsində, "Niva"da olan Əliyeva Zərifə İbrahim qızı, Əhmədov Məhəmməd Mehdixan oğlu və Əliyev Mütəllim Xanış oğlu ölüb. Əhmədov Pərvin Məhəmməd oğlu isə ağır bədən xəsarətləri alıb.
"Santafe"də olan 3 sərnişin - Mahmudov Qüdrət Mehdi oğlu, Mahmudov Qəşəm Əbülfəz oğlu və Mahmudov Seyfəli Mehdi oğlu ağır yaralanıb. Yaralılar Naxçıvan Mərkəzi Xəstəxanasının reanimasiya şöbəsinə yerləşdiriliblər, vəziyyətlərinin ağır olduqları bildirilir.
Faktla bağlı araşdırma aparılır.