Naxçıvanda “Təbiəti birgə qoruyaq” şüarı ilə aksiya keçirilib - FOTOLAR
Babək rayonunun Şıxmahmud kəndi yaxınlığındakı “Şıxmahmud” meşəsində meşəbərpa tədbiri və təmizlik aksiyası keçirilib.
Naxçıvan Muxtar Respublikası Ekologiya və Təbii Sərvətlər Nazirliyinin mətbuat xidmətindən NUHÇIXAN-a bildirilib ki, “Təbiəti birgə qoruyaq” şüarı ilə təşkil olunan təmizlik aksiyasında nazirlik əməkdaşları və könüllü gənclər iştirak ediblər. Zəruri sanitar ləvazimatlarla təmin edilən aksiya iştirakçıları tullantıları meşə ərazisindən toplayıb, ətrafda səliqə-sahman yaradıblar.
Sonra meşənin yaşıllıq örtüyü olmayan 2 hektar ərazisində torpaq-iqlim şəraitinə uyğun 150-yə yaxın müxtəlif növ meyvə, dekorativ tinglər vasitəsilə meşəbərpa işləri həyata keçirilib.