Naxçıvanda “BOOKFEST” kitab sərgisi keçiriləcək
NUHÇIXAN xəbər verir ki, mayın 8-11-də Naxçıvan şəhərindəki “Saat Meydanı”nda “BOOKFEST” kitab sərgisi keçiriləcək.
Sərgidə bir çox tanınmış yazıçılarla görüşlər, imza saatları, maraqlı müzakirələr, endirimli kitablar olacaq. Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyinin dəstəyi, Naxçıvan Şəhər İcra Hakimiyyəti, Naxçıvan Muxtar Respublikası Mədəniyyət Nazirliyi və ˝TEAS Press˝ Nəşriyyat Evinin təşkilatçılığı ilə keçiriləcək kitab sərgisində iştirak ödənişsizdir.
˝FERO BAND˝ hər gün saat 18:30-da bir-birindən gözəl ifalarla “BOOKFEST” iştirakçıları üçün konsert proqramı təqdim edəcək.
Qeyd edək ki, "NUHÇIXAN" İnformasiya Agentliyi “BOOKFEST” kitab sərgisinin media tərəfdaşlarındandır.