Şuşada yaxın vaxtlarda “ASAN xidmət” mərkəzinin açılışı planlaşdırılır
Hazırda işğaldan azad olunmuş ərazilərdə yeni “ASAN xidmət” mərkəzlərinin inşası prioritetdir. Şuşada yaxın vaxtlarda belə bir mərkəzin açılışı planlaşdırılır.
NUHÇIXAN xəbər verir ki, bunu Naxçıvanda jurnalistlərə açıqlamasında Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İctimaiyyətlə əlaqələr şöbəsinin müdiri Elnur Niftəliyev məlumat verib.
O, bildirib ki, bundan başqa təhlillər nəticəsində proqnozlaşdırılan müraciət sayı, əhali sayı və sıxlığına uyğun olaraq Ağdam, Laçın və Cəbrayıl rayonlarında “ASAN xidmət” mərkəzlərinin qurulmasının məqsədəuyğunluğu müəyyənləşdirilib.