Uzunoba su anbarının yuxarı hissəsində təmizlik və dərmanlama işləri aparılıb - FOTOLAR
Naxçıvan Muxtar Respublikası Ekologiya və Təbii Sərvətlər və Səhiyyə Nazirliyinin İctimai Səhiyyə Xidmətinin əməkdaşları tərəfindən Uzunoba su anbarının yuxarı hissəsində təmizlik və dərmanlama işləri aparılıb.
Naxçıvan Muxtar Respublikası Ekologiya və Təbii Sərvətlər nazirliyindən NUHÇIXAN-a verilən məlumata görə, ərazidə xoş görünüş yaratmayan qamışlıq sahələri mövcud idi, həmçinin qamışlıqda yaranan ziyanverici həşəratlar bura gələn vətəndaşların istirahətinə mane olurdu.
Vətəndaşların istirahətinə mane olan bu kimi halların aradan qaldırılması məqsədilə bugün 12 hektarlıq ərazi tullantılardan, alaq otlarından və qamışlıqdan təmizlənib. Ərazidə zərərverici həşəratların və sürfələrinin məhv olması üçün kimyəvi pereparatlar istifadə edilərək dərmanlama işləri aparılıb.
Qeyd edək ki, bu tədbirlər il ərzində davam etdiriləcək.