Naxçıvanda plandankənar yoxlamalar zamanı bir sıra nöqsanlar aşkar edilib - FOTOLAR
Naxçıvan Muxtar Respublikasının Qida Təhlükəsizliyi Agentliyindən NUHÇIXAN-a verilən məlumata görə, Naxçıvan şəhəri 49-cu məhəllədə fəaliyyət göstərən marketdə aparılan plandankənar yoxlamalar zamanı bir sıra nöqsanlar aşkar edilib. Belə ki, marketdə mal qonşuluğu prinsipinə əməl olunmadığın, temperatur rejiminin pozulduğu, anbarda məhsulların saxlanması zamanı xüsusi altlıqlardan istifadə edilmədiyi və etiketlənmə qaydalarına əməl olunmadığı müəyyən edilib.
Faktla bağlı sahibkar barəsində protokol tərtib olunub və qeyd olunan nöqsanların aradan qaldırılması üçün müvafiq göstərişlər verilib.
İstehlakçı hüquqlarının qorunması istiqamətində bundan sonra da Agentlik tərfindən nəzarət tədbirləri davam etdiriləcəkdir.