Naxçıvanda “1 İyun-Uşaqların Beynəlxalq Müdafiə Günü”nə həsr edilmiş yaşıllaşdırma aksiyası keçirilib - VİDEO

NUHÇIXAN xəbər verir ki, Naxçıvan Muxtar Respublikası Ədliyyə Nazirliyinin təşkilatçılığı ilə  “1 İyun – Uşaqların Beynəlxalq Müdafiəsi Günü”nə həsr edilmiş yaşıllıqlara qulluq aksiyası keçirilib.

Təbiəti duymaq, onu hiss etmək, qorumaq insani keyfiyyətlərin formalaşmasına müsbət təsir edir. Təşkil olunan aksiya da uşaqların sosial həyatda aktiv olması baxımından əhəmiyyətli tədbirlərdəndir. Ədliyyə əməkdaşları və onların övladlarının iştirakı ilə keçirilən aksiyada ağaclara qulluq göstərilib. Ərazilər alaq otlarından təmizlənib, ağaclar suvarılıb və təmizlik işləri aparılıb.

Qeyd edək ki, aksiyanın məqsədi uşaqların asudə vaxtlarının səmərəli keçirilməsi,  yaşıllıq ərazilərinin qorunması və artırılması, təbiətə sevgi aşılanmasıdır.