Naxçıvan şəhər sakinini öldürməkdə şübhəli bilinən şəxs Türkiyədə saxlanılıb
İyunun 28-də Naxçıvan Muxtar Respublikası Naxçıvan şəhər Tumbul kəndində 1993-cü il təvəllüdlü Rahib Abdullayevi kəsici alətlə qətlə yetirməkdə şübhəli bilinən şəxs müəyyən edilib.
Bu barədə NUHÇIXAN-a Naxçıvan MR DİN-in Mətbuat Xidmətindən bildirilib.
Daxili İşlər Nazirliyi əməkdaşlarının keçirdikləri tədbirlərlə cinayət əməlini törətməkdə şübhəli bilinən 1974-cü il təvəllüdlü Hüseynov Kərim Həsən oğlu Türkiyə Respublikasında saxlanıb. O, istintaqa təhvil verilib.
Araşdırma aparılır.