Naxçıvan Qarnizonu qoşunlarında komandir heyətləri ilə təlim toplantıları keçirilib - FOTOLAR
Əlahiddə Ümumqoşun Ordunun mətbuat xidmətindən NUHÇIXAN-a verilən məlumata görə, Naxçıvan Qarnizonunda bölük, batareya komandirləri və müavinlərinin, taqım komandirləri və müxtəlif kateqoriyalı zabitlərin komandir hazırlığı və təlim-metodiki toplantıları keçirilib. Toplantılara cəlb edilmiş zabitlərin döyüş hazırlığı üzrə nəzəri bilikləri, praktiki vərdişləri, döyüş zamanı tabelikdə olan bölmələri idarəetmə bacarıqları yoxlanılıb. Zabitlərdən müxtəlif ixtisaslar üzrə məqbullar götürülən zaman yüksək nəticə göstəriblər. Hazırda isə Naxçıvan Qarnizonu qoşunlarının birləşmə, hissə komandirləri və müavinləri ilə komandir hazırlığı toplantısı keçirilir.