Naxçıvan şəhərində ölümlə nəticələnən yol-nəqliyyat hadisəsi baş verib
NUHÇIXAN xəbər verir ki, hadisə Naxçıvan şəhərinin Əlincə məhəlləsində qeydə alınıb.
Belə ki, 1993-cü il təvəllüdlü Naxçıvan şəhər Qaraçuq kənd sakini Əliyev Nəsir Cahangir oğlu 77-KY-516 dövlət qeydiyyat nişanlı “KIA Rio” markalı avtomobillə yolu keçən Seyidova Ofelya Mirabdulla qızını vurub.
Zərərçəkmiş Naxçıvan Muxtar Respublikası Xəstəxanasına yerləşdirilsə də, onun həyatını xilas etmək mümkün olmayıb.
Hadisə ilə bağlı Naxçıvan şəhər Polis İdarəsinin İstintaq və Təhqiqat Şöbəsində araşdırma aparılır.