Ntv-nin veteran operatoru vəfat edib - FOTOLAR
NUHÇIXAN xəbər verir ki, “Naxçıvan Televiziya və Radio Verilişləri” QSC-nin veteran kino-operatoru Ənvər Rəhimov uzun sürən xəstəlikdən sonra bu gün dünyasını dəyişib.
Qeyd edək ki, 1939-cu ildə Naxçıvan şəhərində anadan olan Ənvər Rəhimov ömrünün 45 ilini Azərbaycan və Naxçıvan televiziyasına həsr edib. İşlədiyi müddətdə yüksək məsuliyyəti və peşəkarlığı ilə kollektivin dərin rəğbətini qazanıb, yeni nəsil kinooperatorların yetişməsində müstəsna xidmətlər göstərib.
Naxçıvan televiziyası 2014-cü ildə mərhum kinooperatorun 75 illiyi münasibəti ilə "Geriyə baxanda-Ənvər Rəhimov" adlı film hazırlayıb.
“Naxçıvan Televiziya və Radio Verilişləri” QSC-nin kollektivi mərhumun ailəsinə və yaxınlarına dərin hüznlə başsağlığı verir, Allahdan rəhmət diləyir!