Naxçıvan şəhərindəki Heydər Əliyev Muzeyində müasir havalandırma, yanğın təhlükəsizliyi və siqnalizasiya sistemləri qurulacaq

NUHÇIXAN-ın əldə etdiyi məlumata görə, Naxçıvan şəhərində yerləşən Heydər Əliyev Muzeyində müasir havalandırma, yanğın təhlükəsizliyi və siqnalizasiya sistemlərinin quraşdırılması nəzərdə tutulur. Artıq bununla bağlı Naxçıvan MR Mədəniyyət Nazirliyi tərəfindən satınalma işlərinə başlanılmışdır.

Eyni zamanda muzeyin və Naxçıvan Dövlət Milli Dram Teatrının qarşısındakı parkda da tikinti işlərinə başlanacaq, müasir işıqlandırma sistemləri qurulacaqdır.

Bu istiqamətdə artıq açıq tender sorğusu keçirilib və layihələndirmə işlərinə start verilib.