Şahbuzlu gənclər rayonunun ictimai həyatında fəaldırlar - FOTOLAR
NUHÇIXAN xəbər verir ki, Şahbuz Rayon İcra Hakimiyyəti və Naxçıvan Muxtar Respublikası Mədəniyyət Nazirliyinin birgə təşkilatçılığı ilə 2 fevral gənclər günü ilə bağlı rayon mədəniyyət sarayında tədbir keçirilib.
Tədbirdə Naxçıvan Muxtar Respublikası Mədəniyyət Nazirliyinin əməkdaşı Kənan Tağızadə, açaraq muxtar respublikada gənclərə göstərilən dövlət qayğısından danışıb.
Sonra Şahbuz Rayon Gənclər və İdman İdarəsinin rəisi İdris Qəhrəmanov bildirib ki, rayonda inşa edilən “Araz ” kinoteatrı, mərkəzi kitabxana, şahmat məktəbi, mədəniyyət sarayı, məktəb binaları gənclərə göstərilən qayğının bariz nümunəsidir.
Qeyd olunub ki, rayonda tikintisi davam etdirilən çoxmərtəbəli yaşayış binası da gənc ailələrin mənzil probleminin həll edilməsi baxımından mühüm rol oynayacaq.
İdris Qəhrəmanov rayonda aidiyyəti təşkilatlarla birlikdə 2018-ci il ərzində 139 tədbirin keçirildiyini, tədbirlərdə 7000-ə yaxın gənc və yeniyetmənin iştirak etdiyini diqqətə çatdırıb.
Yeni Azərbaycan Partiyası Şahbuz Rayon Təşkilatı Gənclər birliyinin sədri Vüqar Muradov bildirib ki, Yeni Azərbaycan Partiyası Şahbuz Rayon Təşkilatının Gənclər birliyinin ətrafında birləşən 1700-dən çox gənc də bu gün böyük dövlət qayğısı ilə əhatələnib. Onlar rayonun idarə təşkilat və müəssislərində yüksək vəzifələrə irəli çəkilib. Asudə vaxtlarının səmərəli təşkili üçün hərtərəfli şərait yaradılıb.
Tədbirdə rayonda müxtəlif peşələrdə çalışaraq fərqlənən gənclərə rayon icra hakimiyyəti, gənclər və idman idarəsinin fəxri fərmanları təqdim olunub.
Tədbirin bədii hissəsində Naxçıvan Dövlət Filarmoniyasının Estrada Orkestri konsert proqramı ilə çıxış edib.
Novruz Məmmədov