Sədərəkli gənclərə diqqət və qayğı göstərilir

NUHÇIXAN xəbər verir ki, Sədərək rayonunda 2 Fevral Gənclər Günü  münasibətilə tədbir keçirilib

Keçirilən tədbirdə  Gənclər və İdman İdarəsinin rəisi Polad Rzazadə bildirib ki, istedadlı və yaradıcı gənclərin üzə çıxarılması, onların inkişafı üçün əlverişli mühitin yaradılması məqsədilə tez-tez müxtəlif müsabiqələrin, olimpiadaların, bilik yarışlarının keçirilməsi  gənclərin cəmiyyətdəki rolunu yüksəltməkdə mühüm əhəmiyyət kəsb edir.

Qeyd olunub ki, ümummilli  liderimizin  təməlini qoyduğu dövlət gənclər  siyasəti bu gün ölkə başçısı İlham Əliyev tərəfindən uğurla davam etdirilərək  keyfiyyətcə yeni bir mərhələyə qədəm qoyub. Azərbaycanda gənc nəslin problemlərinin kompleks həlli, onların cəmiyyət həyatında layiqli təbəqə kimi iştirakının təmin olunması, milli adət-ənənələrə, saf dəyərlərə bağlılığı üçün dövlət  səviyyəsində bütün zəruri tədbirlər həyata keçirilir.

Mövzu ətrafında Yeni Azərbaycan Partiyası Sədərək Rayon Təşkilatı Qadınlar Şurasının sədri, Naxçıvan Muxtar Respublikası Ali Məclisinin deputatı Vüsalə Əliyeva və Gənclər Birliyinin üzvü Bulud Bağırlı  çıxış  ediblər.

Tədbirin sonunda “Dahi şəxsiyyət”  filmi nümayiş  etdirilib.

Hidayət Seyidov