Tanınmış professor Mahirə Nağıqızının poeziya gecəsindən - VİDEO

Beynəlxalq Muğam Mərkəzində tanınmış alim və pedaqoq, istedadlı şair və ictimai xadim, Azərbaycan Pedaqoji Universitetinin prorektoru, professor Mahirə Nağıqızının yaradıcılığına həsr edilmiş poeziya gecəsi keçirilib.

NUHÇIXAN xəbər verir ki, tədbir Qərbi Azərbaycan İcmasının təşkilatçılığı ilə baş tutub.

Tədbirdə çıxış edənlər Mahirə xanımın ölkəmizin ictimai həyatındakı rolundan, Qərbi Azərbaycanla bağlı həqiqətlərin dünyaya çatdırılmasında göstərdiyi xidmətlərdən söz açıblar.

Qeyd edək ki, çoxşaxəli və məhsuldar fəaliyyəti ilə tanınan professor Mahirə Nağıqızı 60-dan çox elmi əsər, monoqrafiya, tədqiqat əsərlərin müəllifidir. Bu əsərlərin bir çoxu müxtəlif dillərdə, xarici ölkələrdə nəşr edilib və tədris edilir.

Ədəbiyyatşünas alim, istedadlı şairə, elm və maarif təşkilatçısı kimi Mahirə xanım həm də Qərbi Azərbaycan Televiziyasında “Ziyalı” elmi-publisistik verilişin müəllifidir.

Məlumat üçün bildirək ki, Müasir Azərbaycan poeziyasında imzası ilə tanınan və sevilən şairə Mahirə Nağıqızı Türk dünyasının bir sıra universitetlərinin fəxri professorudur. Onun 70-dən çox şerinə musiqi bəstələnib.