ADSEA-nın qazi əməkdaşları mükafatlandırılıblar - FOTOLAR
NUHÇIXAN xəbər verir ki, ADSEA-nın İri Şəhərlərin Birləşmiş Su Təchizatı Xidmətinin publik hüquqi şəxs, Nəqliyyat və Xüsusi Texnika İdarəsində Zəfər Günü münasibətilə II Qarabağ müharibəsi qaziləri ilə görüş keçirilib.
Görüşdə Vətən müharibəsində şəhid olan qəhrəmanlarımızın xatirəsi bir dəqiqəlik sükutla yad edilib. Qazilər müharibə ilə bağlı xatirələrindən, göstərdikləri igidliklərdən bəhs edib, hərtərəfli sosial təminatla əhatə olunduqlarını bildiriblər.
ADSEA sədri Zaur Mikayılov tərəfindən yeni təyin olunmuş İri şəhərlərin Birləşmiş Su Təchizatı Xidmətinin publik hüquqi şəxs, Nəqliyyat və Xüsusi Texnika idarəsinin rəisi Samir Şahin oğlu Cabrayılov Vətən müharibəsində qazandığımız qələbədə Ali Baş Komandanın, rəşadətli Azərbaycan ordusunun müstəsna rolu olduğunu qeyd edib.
Görüşdə qazilərə pul mükafatları təqdim edilib.
Sonda xatirə şəkli çəkdirilib.