Naxçıvanda zəncirvari qəza: 5 avtomobil toqquşub, 1 nəfər xəsarət alıb - FOTOLAR
Naxçıvan şəhərində zəncirvari qəza olub, 5 avtomobil toqquşub.
NUHÇIXAN xəbər verir ki, şəhərin İstiqlal küçəsində qeydə alınan qəza zamanı "BMW", "Mercedes", "KIA" və 2 "Hyundai" markalı avtomobillər toqquşub.
Qəzada Naxçıvan şəhəri, Tumbul kənd sakini, 2008-ci il təvəllüdlü Abdullayeva Çinarə Elçin qızı xəsarət alıb. O, Naxçıvan Muxtar Respublika Xəstəxanasının Travmatologiya şöbəsini yerləşdirilib.
Hadisə yerinə polis əməkdaşları gəlib, faktla bağlı araşdırma aparılır.