Şahbuz rayonunda vətəndaş qəbulu həyata keçirilib - FOTOLAR

NUHÇIXAN xəbər verir ki, noyabr ayının 27-si Naxçıvan Muxtar Respublikası İcbari Tibbi Sığorta üzrə Dövlət Agentliyi İdarə Heyətinin sədri Elnur İbrahimov və Tibb Müəssisələrinin İdarəetmə Birliyi publik hüquqi şəxsin icraçı direktoru Vüsal Məmmədov Şahbuz rayonunda birgə vətəndaş qəbulu həyata keçiriblər.

Qəbul saatından öncə hər iki qurumun rəhbəri və Şahbuz Rayon İcra Hakimiyyətinin başçısı Rəfael Babayev Şahbuz rayonundakı Ümummilli Lider Heydər Əliyevin abidəsini ziyarət edərək,ulu öndərin əziz xatirəsini hörmətlə yad etmişlər.

Müvafiq struktur rəhbərlərinin iştirakı ilə keçirilən qəbulda vətəndaşların müraciət və təklifləri dinlənilib, qaldırılan məsələlərin hərtərəfli öyrənilməsi və qanunvericiliyin tələblərinə uyğun operativ şəkildə həll edilməsi üçün müvafiq tapşırıqlar verilib. Vətəndaşların müraciətlərinin bir qismi yerindəcə həllini tapıb, qaldırılan bəzi məsələlər isə araşdırılması üçün nəzarətə götürülüb.

Qeyd edək ki, qəbuldan sonra xəstəxanaya baxış keçirilib, oradakı Rentgen və Kompüter tomoqrafiyası avadanlıqlarının tez bir zamanda işlək vəziyyətə gətirilməsi aidiyyatı üzrə tapşırılıb.