NİİM: Yollarda diqqətsizlik və məsuliyyətsizlik qəzaya səbəb olur

Yollarda diqqətsizlik və məsuliyyətsizlik qəzaya səbəb olur.

NUHÇIXAN xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzinin (NİİM) yaydığı müraciətdə bildirilib.

Qeyd edilib ki, yol-nəqliyyat hadisələri əksər hallarda sıxlığın yaranmasına gətirib çıxarır.

"Xüsusilə də nəqliyyat vasitələrinin intensiv hərəkət etdiyi küçə və prospektlərdə qəzalar olduğu zaman sıxlığın müddəti daha da artır və hərəkət çətinləşir. Müşahidələr göstərir ki, qəzalar bəzi sürücülərin diqqətsizliyi və məsuliyyətsizliyi səbəbindən də baş verir", - məlumatda vurğulanıb.