Dağlıq Qarabağ münaqişəsində itkin düşmüş 775 şəxsin yaxınlarından ötən il 2170 ağız suyu nümunəsi götürülüb
Beynəlxalq Qızıl Xaç Komitəsi Azərbaycan Respublikasının Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyası ilə birlikdə Dağlıq Qarabağ münaqişəsində itkin düşmüş şəxslərin yaxınlarından ötən il ərzində götürülmüş ağız suyu nümunəsi ilə bağlı statistika açıqlayıb.
NUHÇIXAN xəbər verir ki, itkin düşmüş 775 nəfərin yaxınlarından ötən il 2170 ağız suyu nümunəsi götürülüb. Ağız suyu nümunəsi itkin düşmüş şəxslərin yaxınlarından götürülür və gələcəkdə mümkün eksqumasiya zamanı istifadə edilir.