Naxçıvanda pərakəndə ticarət dövriyyəsi 1 milyard 109 milyon 593 min manat olub
Cari ilin yanvar-noyabr aylarında muxtar respublikada pərakəndə ticarət dövriyyəsi 1 milyard 109 milyon 593 min manat təşkil edib.
Naxçıvan Muxtar Respublikası Dövlət Statistika Komitəsinin mətbuat xidmətindən NUHÇIXAN-a bildirilib ki, bu, 2023-cü ilin müvafiq dövrü ilə müqayisədə 1,2 faiz çoxdur. Ticarət şəbəkəsində 570 milyon 330 min 800 manatlıq qida məhsulları, içkilər və tütün məmulatları, 539 milyon 262 min 200 manatlıq qeyri-qida məhsulları satılıb.