Xankəndidə 34 ildən sonra ilk dəfə "Qış nağılı" bayram yarmarkası keçirilir - FOTOLAR
Xankəndi şəhərində 34 ildən sonra ilk dəfə "Qış nağılı" bayram yarmarkası keçirilir.
NUHÇIXAN-ın məlumatına görə, Dünya Azərbaycanlılarının Həmrəylik Günü və Yeni il bayramına həsr olunan yarmarka Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəliyinin təşkilatçılığı ilə şəhərin Zəfər meydanında təşkil edilib.
Bir çox müəssisə və şirkətlərin qatıldığı yarmarkada fərdi şəxslər tərəfindən də müxtəlif məhsullar satışa çıxarılıb.
Qeyd edək ki, yarmarkasının bir neçə gün davam etməsi nəzərdə tutulur.