Mənim doğma Naxçıvanım!

211

Bu il Naxçıvanın muxtariyyatının 95 ilini qeyd edir. Bu münasibətlə muxtar respublikaya şeirlər həsr edilir.  NUHÇIXAN həmin şeirlərdən birini təqdim edir:

Bu gün muxtar dövlətimin çiçəklənən bir vaxtıdır,

Təmiz eşqin, düz ilqarın, könüllərin paytaxtıdır,

Bu torpaqda yaşayanlar dünyanın ən xoşbaxtıdır,

Səndə keçib unudulmaz, ən bəxtəvər, ən xoş anım,

Mənim doğma Naxçıvanım!

                                      ***

Tarixlərə həkk olmusan qəhrəmanlıq savaşında,

Səyyahları ram etmisən cazibədar baxışınla,

Möcüzəyə çevrilmisən bəzəyinlə , naxışınla,

Sənsən eşqim, məhəbbətim, ilham pərim, söz divanım,

Mənim doğma Naxçıvanım!

                                           ***

Bir nağıldır, bir dastandır, əfsanədir Nəqşi-cahan,

Tariximdən, Nuh yurdumdan nişanədir Nəqşi-cahan,

Yazı-qışı başdan-başa şəhanədir Nəqşi-cahan,

Odur andım, odur hissim, odur sevgim, həyəcanım,

Mənim doğma Naxçıvanım!

                                   ***

Ulu öndər doğulandan bir il sonra yarandın sən,

Yarandığın gündən bəri  mərd-mübariz dayandın sən,

Ulu öndər həyat verdi, İlham ilə ucaldın sən,

Azərbaycan, Nuhun yurdu, Şərq qapısı-tək ünvanım,

Mənim doğma Naxçıvanım!

 

Ənvər Hüseynov

“Şərqin səhəri” qəzeti

Mətndə səhv varsa, onu qeyd edib Ctrl+Enter düyməsini basaraq bizə göndərin.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: