2024-cü il ərzində Zəngəzur dağ silsiləsində 6 bəbir balası dünyaya gəlib
2024-cü il ərzində Zəngəzur dağ silsiləsində ən azı 6 bəbir balası dünyaya gəlib.
NUHÇIXAN-ın məlumatına görə, bu barədə İDEA İctimai Birliyi və Ümumdünya Təbiəti Mühafizə Fondunun Azərbaycan nümayəndəliyinin (WWF) rəsmi "Facebook" hesabında paylaşım edilib.
Paylaşımda deyilir:
"Yola saldığımız 2024-cü il ərzində Zəngəzur dağ silsiləsində ən azı 6 bəbir balası dünyaya gəlmişdir. Milli parkın hüdudlarında isə bir ana bəbir 3, digəri isə 2 bala ilə kameralarımıza düşmüşdür. Kameralar vasitəsilə Naxçıvanda tədqiqat apardığımız son 12 ildə ən məhsuldar il olmuşdur bu il.
Aşağıdakı videoda Banu adlandırdığımız bəbir 3 balası ilə kameranın önündən keçir. Onlardan ikisi aydın görünür, üçüncü balanı da videoda tapacağınıza əminik.
Qarşıdan gələn ilin daha da uğurlu olacağına ümid edirik".