Naxçıvanda 20 Yanvar şəhidlərinin xatirəsi bir dəqiqəlik sükutla yad edilib - FOTOLAR
NUHÇIXAN xəbər verir ki, ölkəmizin hər yerində olduğu kimi, muxtar respublikada da qəhrəman şəhidlərimizin əziz xatirəsi bir dəqiqəlik sükutla yad olunub. Hüzn əlaməti olaraq dövlət bayraqları yarıyadək endirilib, sərnişinlərin, nəqliyyatın hərəkəti bir dəqiqəlik dayandırılıb.
Qanlı Yanvar faciəsinin 35-ci ildönümü ilə əlaqədar muxtar respublikanın şəhər və rayonlarında şəhidlərin xatirəsi anılır, 20 Yanvar hadisələri ilə bağlı anım mərasimləri keçirilir.
Yanvarın 20-də səhər saatlarından başlayaraq Naxçıvan şəhərindəki Şəhidlər xiyabanını və Vətən müharibəsində şəhid olan qəhrəmanların məzarını ziyarət edən insanlar şəhidlərin xatirəsini ehtiramla anır, məzarları üzərinə tər güllər düzürlər.
Azadlığa və zəfərlərə gedən yolda ilk cığır açmış, canını fəda etmiş şəhidlərimiz heç vaxt unudulmayacaq, onların parlaq xatirəsi qəlbimizdə daim yaşayacaq.