Naxçıvan məhsulları “Prodexpo 2019” beynəlxalq ərzaq sərgisində nümayiş olunur - FOTOLAR
NUHÇIXAN xəbər verir ki, Rusiyanın paytaxtı Moskvada “Prodexpo 2019” beynəlxalq ərzaq sərgisi açılıb. Fevralın 15-dək davam edəcək sərgidə ölkəmiz “Made in Azerbaijan” stendi ilə təmsil olunur.
65 ölkədən 2000-dən çox şirkətin məhsullarının nümayiş olunduğu sərgidə Naxçıvan məhsulları da yer alıb. Muxtar respublikada istehsal edilən məhsullar maraqla qarşılanır. Sərginin keçirildiyi zallardakı bütün monitorlarda “Made in Azerbaijan” brendinin reklam çarxları nümayiş olunur.
Bundan başqa Azərbaycana aid pavilyonda ölkəmizdə istehsal edilən, həmçinin özünün keyfiyyəti və rəqabət qabiliyyətliyi ilə seçilən məhsullar vahid ölkə stendi ilə təqdim edilir. Sərgi zamanı ziyarətçilərə Azərbaycan haqqında məlumat verilir.