“İnkişaf iqtisadiyyatı” kitabının təqdimatı keçirilib - FOTOLAR

Naxçıvan Dövlət Universitetinin Elmi Kitabxanasında “İqtisadiyyat və marketinq” kafedrasının dosenti, iqtisad üzrə fəlsəfə doktoru Həvva Adıgözəlovanın müəllifi olduğu “İnkişaf iqtisadiyyatı” adlı dərslik vəsaitinin təqdimatı keçirilib.

NUHÇIXAN xəbər verir ki, tədbiri giriş sözü ilə açan Naxçıvan Dövlət Universitetinin rektor (iqtisadi məsələlər üzrə) müşaviri Ülvi Baxışlı bildirib ki, iqtisadiyyatın bir çox sahələrindən fərqli olaraq, inkişaf iqtisadiyyatı yanaşmaları konkret planlar hazırlamaq üçün sosial və siyasi amilləri özündə birləşdirir. İqtisadiyyatın bir çox digər sahələrindən fərqli olaraq tələbələrin nəyi bilməli olduğuna dair konsensus yoxdur.

Böyük əməklə ərsəyə gələn vəsait gənc tələbələr, magistrantlar, aspirantlar, elimi işçilər və müəllimlər üçün əhəmiyyətli dərslikdir.

Sonra, İqtisadiyyat və idarəetmə fakültəsinin dekanı, iqtisad üzrə fəlsəfə doktoru dosent Əşrəf Ələkbərov, “İqtisadiyyat və marketinq” kafedrasının müdiri, iqtisad üzrə fəlsəfə doktoru, dosent Eltun İbrahimov, “Beynəlxalq ticarət və menecment kofedrasının müdiri, iqtisad üzrə fəlsəfə doktoru, dosent Cavadxan Qasımov, “İqtisadiyyat və marketinq” kafedrasının dosenti, iqtisad üzrə fəlsəfə doktoru Turqan Babayev və başqaları çıxış edərək dərslik haqqında öz fikirlərini bölüşüb, müəllifə fəaliyyətində uğurlar arzulayıblar.

Səriyyə Salahova