Culfa rayon məktəbliləri arasında voleybol yarışı olub
NUHÇIXAN xəbər verir ki, Culfa Rayon Əbrəqunus kənd tam orta məktəbinin idman zalında Naxçıvan Muxtar Respublikasının yaranmasının 95 illik yubileyinə həsr edilmiş rayon ümumtəhsil məktəblərinin oğlan şagirdləri arasında keçirilən voleybol üzrə rayon birinciliyinin növbəti zona yarışı olub. Bu zonada Ərəzin, Əbrəqunus, Kırna, Qızılca, Qazançı və Milax kənd tam orta məktəblərinin komandaları mübarizə aparıb. Gərgin və maraqlı mübarizə şəraitində keçirilən görüşlərdə Əbrəqunus və Ərəzin kənd tam orta məktəblərinin komandaları final mərhələsində iştirak etmək hüququ qazanıblar.
Yarış Culfa rayon Gənclər və İdman İdarəsinin, YAP Culfa Rayon Təşkilatı Gənclər Birliyinin, Təhsil Şöbəsinin və Naxçıvan MR Voleybol Federasiyasının rayon bölməsinin birgə təşkilatçılığı ilə təşkil olunub.