Təqaüdçülər üçün konsert verilib - FOTOLAR
NUHÇIXAN xəbər verir ki, Naxçıvan Şəhər Mədəniyyət Şöbəsinin təqaüdçülər klubunda konsert təşkil olunub.
Əvvəlcə Naxçıvan Şəhər Mədəniyyət Şöbəsinin 2 nömrəli təqaüdçülər klubunun direktoru Mirvasif Seyidov bildirib ki, muxtar respublikada ahıl vətəndaşlara hərtərəfli diqqət və qayğı göstərilir, eyni zamanda onların cəmiyyətdə fəal iştirakı daim diqqət mərkəzində saxlanılır.
Sonra “Şəlalə” instrumental ansamblının üzvlərinin konserti olub.Ansamblın solistlərinin ifasında səslənən “Azərbaycanım”, “Ah nə şadam”, “Güldür məni”, “Yaşayıram el üçün” və “Toy olsun, bayram olsun” mahnıları təqaüdçülərdə xoş əhval-ruhiyyə yaradıb.
Qeyd edək ki, konsertin keçirilməsində məqsəd təqaüdçülərin asudə vaxtlarının səmərəli təşkilindən ibarətdir.
Ərhan Novruzov