Babək rayonunda avtomobil yoldan çıxaraq qaz borusuna çırpılıb, bir nəfər xəsarət alıb - FOTOLAR
Babək rayonunda yol-nəqliyyat hadisəsi baş verib.
NUHÇIXAN xəbər verir ki, hadisə rayonun Yarımca kəndi ərazisində qeydə alınıb.
Belə ki, 67-BL-197 dövlət nömrə nişanlı avtomobil yoldan çıxaraq yol kənarında olan qaz borusuna, rabitə dirəyinə, ardınca tikiliyə çırpılıb.
Qəza zamanı bir nəfər xəsarət alıb. İlkin məlumata görə, qəzaya səbəb sürücünün idarəetməni itirməsi olub.
Hadisə yerinə polis əməkdaşları cəlb olunub.
Faktla bağlı araşdırma aparılır.