Əfv Məsələləri Komissiyasının ilk iclası keçirilib, 100-dən çox müraciətə baxılıb

Prezident yanında Əfv Məsələləri Komissiyasının 2025-ci il üçün ilk iclası keçirilib.

Bu barədə NUHÇIXAN-a Komissiyanın üzvü Rəşad Məcid məlumat verib.

Rəşad Məcid qeyd edib ki, iclası Prezident Administrasiyasının rəhbəri Samir Nuriyev açıb:

"Samir Nuriyev indiyə qədər Azərbaycanda imzalanan əfv sərəncamları barədə danışıb. Azərbaycan Prezidenti tərəfindən göstərilən humanizm aktlarının olduğunu deyib. Daha sonra iclasın gündəliyi açıqlanıb. İclas çox məhsuldar keçdi və 100-dən artıq müraciətə baxılıb. Bunlar ağır cinayətlərlə və əsasən də ölüm işində təqsirləndirilən şəxslərin müraciətləri idi. Hər bir müraciət diqqətlə araşdırılıb. Həm Administrasiyanın müvafiq şöbələri həm də hüquq-mühafizə orqanları tərəfindən verilən rəylər nəzərə alınaraq komissiya üzvlərinin fikirləri nəzərə alındı və səsvermə nəticəsində qərarlar qəbul edilib".