İlqar Hacıyev, Məhəmməd Mirzəli, Qurban Məmmədov və digər şəxslər Baş Prokurorluğa çağırılıblar

Azərbaycan Respublikasının Baş Prokurorluğu qanunvericiliyə uyğun olaraq İlqar Allaz oğlu Hacıyevi, Məhəmməd Fazil oğlu Mirzəlini, Qurban Cəlal oğlu Məmmədovu, Elşad Tofiq oğlu Məmmədovu, Qabil Əmrah oğlu Məmmədovu, Tural Əlövsət oğlu Sadıqlını İstintaq İdarəsinə çağırıb.

NUHÇIXAN-ın xəbərinə görə bu barədə Baş Prokurorluqdan İTV-yə bildirilib.

Məlumata görə, Baş Prokurorluğunun İstintaq İdarəsi tərəfindən təqsirləndirilən şəxslər – İlqar Allaz oğlu Hacıyevə, Məhəmməd Fazil oğlu Mirzəliyə, Qurban Cəlal oğlu Məmmədova, Elşad Tofiq oğlu Məmmədova, Qabil Əmrah oğlu Məmmədova, Tural Əlövsət oğlu Sadıqlıya Azərbaycan Respublikası Cinayət-Prosessual Məcəlləsinin 467-13.4-cü maddəsinin tələbinə əsasən rəsmi bildirişlər göndərilib.

Onlar bir sıra cinayətlərdə ittiham olunurlar.