Naxçıvanda ötən sutka ərzində 5 yanğın hadisəsi olub - FOTOLAR

Naxçıvan Muxtar Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.

Nazirlikdən NUHÇIXAN-a verilən xəbərə görə, ötən sutka ərzində Fövqəladə Hallar Nazirliyinin “112” qaynar telefon xəttinə daxil olan zənglər əsasında Nazirliyin yanğından mühafizə bölmələri tərəfindən 5 yanğın hadisəsinə çıxış həyata keçirilib.

Belə ki, Babək rayon Araz kəndində iki ərazidə, Şıxmahmud kəndində, eləcə də Ordubad rayon Aza kəndində də iki ərazidə quru ot və kol-kos sahələrdə yanğın hadisələri baş verib.

Görülən təcili və təxirəsalınmaz tədbirlər nəticəsində yanğınların daha geniş sahələrə yayılmasının qarşısı alınaraq operativ söndürülməsi təmin edilib.