“Xəmsə” milli intellektual oyununun qalibləri mükafatlandırılıb - FOTOLAR

NUHÇIXAN xəbər verir ki, Gənclər Mərkəzində “Naxçıvan Muxtar Respublikası-95” devizi altında orta ixtisas təhsili müəssisələrinin fəal gəncləri arasında  “Xəmsə” milli intellektual oyunu keçirilib.

Əvvəlcə Gənclər və İdman Nazirliyinin əməkdaşı Samir Oruclu bildirib ki, oyunun keçirilməsində məqsəd gənclərin intellektual səviyyəsinin, dünyagörüşünün, zehni inkişafının stimullaşdırılması, bilik və bacarıqlarının artırılması, asudə vaxtlarının səmərəli təşkil olunmasıdır.

Finalda hər komandada 5 oyunçu olmaqla 4 komanda rəqabət aparıb. “Bəlli”, “Şərtli”, “Sirli” və “Fərdi” mərhələlərindən ibarət olan oyunda bir-birindən maraqlı suallar təqdim edilib. “Zirvə” komandası 1-ci, “Əcəmi” komandası 2-ci, “Qartal” komandası isə 3-cü yerə layiq görülüblər.

Sonda qalib komandalara kubok, diplom və fəxri fərmanlar təqdim olunub.

Ərhan Novruzov