Çərçiboğan kəndində yeni qızılgül bağı salınıb
Muxtar respublikada gülçülüyün inkişaf etdirildiyi rayonlardan biri də Şərurdur. Rayonunun təbii iqlim şəraiti bu sahənin inkişaf etdirilməsi üçün olduqca əlverişlidir.
NUHÇIXAN xəbər verir ki, bu gəlirli sahə ilə məşğul olan torpaq mülkiyyətçilərindən biri də Çərçiboğan kənd sakini Muqbil Zamanovdur. Dövlətin torpaq mülkiyyətçilərinə göstərdiyi qayğıdan bəhrələnən təsərrüfat rəhbəri 0.5 hektarlıq sahədə yeni qızılgül bağı salıb. Bunun üçün əvvəlcədən ərazidə meliorativ və aqrotexniki tədbirlər görülüb, torpaq əkinəyararlı hala salınıb. Bağda 4 mindən artıq qızılgül kolu əkilib.