İbtidai sinif şagirdləri üçün “Yol hərəkəti qaydaları və mən” adlı televiktorina keçirilib

A- A A+

NUHÇIXAN xəbər verir ki, Naxçıvan şəhər 14 nömrəli tam orta məktəbdə ümumtəhsil məktəblərinin ibtidai sinif şagirdləri arasında yol mədəniyyətini formalaşdırmaq məqsədilə “Yol hərəkəti qaydaları və mən” adlı televiktorina keçirilib.

Çıxış edənlər bildiriblər ki, belə viktorinaların keçirilməsində məqsəd muxtar respublikada piyadaların yol hərəkəti təhlükəsizliyi  ilə bağlı biliklərinin artırılması, orta məktəblərdə yol hərəkətinin təhlükəsizliyi ilə əlaqədar şagirdlərin maariflənməsindən ibarətdir.

Televiktorinada  məktəbin ibtidai sinif şagirdlərindən ibarət 4 komanda iştirak edib. “Əlincə”, “Batabat”, “Nuh yurdu” və “Gəmiqaya” komandalarına yol hərəkəti qaydalarından bəhs edən 4 mövzudan ibarət 20 sual təqdim olunub.

Oyunun nəticələrinə əsasən “Əlincə” komandası 1-ci yerə laiq görülərək təşkilatçılar tərəfindən diplom və fəxri fərmanlarla  mükafatlandırılıb və may ayında keçiriləcək final mərhələsinə vəsiqə qazanıb.

                                                                                                         Ərhan Novruzov

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: