Murad Dadaşov Naxçıvan televiziyasında - FOTOLAR
NUHÇIXAN xəbər verir ki, Azərbaycan Respublikasının xalq artisti, Xəzər televiziyasının rəhbəri, tanınmış televiziya siması Murad Dadaşov Naxçıvan televiziyasının qonağı olub.
"MediaFest" tədbirində iştirak məqsədilə Naxçıvana səfər edən Murad Dadaşov televiziyanın kollektivi ilə görüşüb, yaradıcı heyətlə tanış olub və rəhbərliklə fikir mübadiləsi aparıb.
Naxçıvan Televiziyasının fəaliyyət istiqamətləri, efir siyasəti və iş prinsipi ilə yaxından maraqlanan Murad Dadaşov yaradıcı heyətə fəaliyyətlərində uğurlar arzu edib.