Ali təhsil ocağında 8 Mart Beynəlxalq Qadınlar Gününə həsr edilmiş tədbir keçirilib - FOTOLAR
NUHÇIXAN xəbər verir ki, Naxçıvan Dövlət Universiteti İncəsənət fakültəsinin akt zalında 8 Mart Beynəlxalq Qadınlar Gününə həsr edilmiş tədbir olub.
Tədbirdə universitetin rektoru, AMEA-nın müxbir üzvü Saleh Məhərrəmov təhsil ocağında çalışan bütün xanım əməkdaşları və tələbələri 8 Mart - Beynəlxalq Qadınlar Günü münasibətilə təbrik edib. Muxtar respublikada dövlət səviyyəsində qadınların mühüm vəzifələrdə irəli çəkilməsi və Naxçıvan Dövlət Universitetində də bu siyasətin uğurla davam etdiyi vurğulanıb.
Sonra Orkestr alətləri və dirijorluq kafedrasının baş müəllimi, Azərbaycan Respublikasının əməkdar artisti Gülyanaq Fərzəliyeva universitetdə qadınlar üçün yaradılan hərtərəfli şəraitdən danışıb.
Tədbir İncəsənət fakültəsinin təşkil etdiyi konsert proqramı ilə davam edib.