Müəllimlər İnstitutunda “Elm aylığı”na start verilib

NUHÇIXAN xəbər verir ki, Naxçıvan Müəllimlər İnstitutunda “Tələbələrin elmi-tədqiqat fəaliyyətinin təşkilinin aktual problemləri” mövzusunda seminar-müşavirə keçirilib.

Seminar-müşavirədə institutun rektoru Elbrus İsayev bildirib ki, Naxçıvan Müəllimlər İnstitutunda 2019-cu ilin mart ayı “Elm aylığı” elan edilib və aylıq çərçivəsində silsilə elmi və elmi-təşkilatı tədbirlərin keçirilməsi planlaşdırılıb.  Rektor keçiriləcək tədbirlər barədə ətraflı məlumat verib. “Elm aylığı”nın mahiyyəti, məqsədi  və vəzifələri haqqında danışıb.

Sonra Seminar-müşavirədə çıxışlar dinlənilib.

Seminar-müşavirə bölmə iclasları ilə işini davam etdirib. Bölmə iclasları pedaqoji-psixoloji elmlər, filoloji fənlər və onların tədrisi metodikası, riyaziyyat, informatika və onların tədrisi metodikası, təbiət, humanitar və ictimai elmlər mövzularına həsr olunub.

                                                    Əbülfəz  Dünyamalıyev