Bəşəriyyət qadınla yüksələcək - FOTOLAR

NUHÇIXAN xəbər verir ki, Naxçıvan Müəllimlər İnstitutunda 8 mart Beynəlxalq Qadınlar Günü  qeyd edilib. Bu münasibətlə təşkil olunan tədbirdə Naxçıvan Müəllimlər İnstitutunun rektoru  Elbrus İsayev bildirib ki, Azərbaycan qadınları dövlətimizin yüksək diqqət və qayğısı ilə əhatə olunub. Cəmiyyətimizin bütün sahələrində qadınlar önə çəkilib, yüksək dövlət mükafatlarına layiq görülüblər.

Son illərdə  bölgəmizin şanlı tarixini yazanlar arasında fəxr etdiyimiz, qürur duyduğumuz qadınlar çoxdur. Azərbaycan qadınının bütün dövrlərdə öz istedadı, zəkası, iradəsi və əzmi ilə milli-mənəvi dəyərlərin qorunub saxlanması və yaşadılmasında müstəsna xidmətlər göstərib.  Rektor tədbirdə iştirak edən xanımları bayram münasibəti ilə təbrik edib.

Sonra  tələbələrşeirlər, mahnılar ifa edib,  səhnəciklər göstəriblər.

Tədbirdə  Naxçıvan Müəllimlər İnstitutunun əməkdaşı, şəhid anası Məsmə  Sultanovaya kollektiv adından xatirə hədiyyəsi təqdim olunub.

Sonda institutun bütün  qadın kollektivinə hədiyyələr verilib, ictimai həyatda fəallıq göstərən xanım tələbələr Tələbə Gənclər Təşkilatı tərəfindən qiymətli hədiyyələrlə mükafatlandırılıb.