Şahbuz rayonunda  vətənpərvərlik həftəsinə start verilib - FOTOLAR

NUHÇIXAN xəbər verir ki, Naxçıvan Muxtar Respublikası Ali Məclisində muxtar respublikada bədən tərbiyəsi və idmanın hazırki vəziyyəti və qarşıda duran vəzifələrlə  bağlı keçirilən müşavirədə verilən tapşırıqların icrası məqsədi ilə  Şahbuz Rayon İcra Hakimiyyətində tədbirlər planı hazırlanıb.

Rayonunda  gənclərin və yeniyetmələrin vətənpərvərlik tərbiyəsinin yüksəldilməsi, dövlətə, vətənə sadiq gənclərin  yetişdirilməsi  istiqamətində  müxtəlif səpkili tədbirlər həyata keçiriləcək.

Bu məqsədlə mart ayının 11-dən “Vətənpərvərlik həftəsi”nə start verilib. Həftəyə  ümumtəhsil məktəblərində  vətənpərvərlik mövzusunda  filmlərin   nümayişi ilə  start verilib. Rayonun Şahbuzkənd, Külüs, Keçili məktəblərində Azərbaycan Respublikasının Milli qəhrəmanlarından Səyavuş Həsənov, Əliyar Əliyev və Yavər Əliyevə həsr olunan qəhrəmanlıq filmləri  nümayiş olunub.

Qeyd edək ki, vətənpərvərlik həftəsi çərçivəsində rayonun bir qrup fəal gəncinin  Naxçıvan şəhərində və Şahbuz rayonundakı muzeylərə ekskursiyası təşkil olunacaq. Həmçinin ümumtəhsil məktəblərində sosial şəbəkələrin müsbət və mənfi xüsusiyyətləri mövzusunda tədbirlərin, şeir və inşa yazı müsabiqələrinin, hərbi idman oyunlarının və digər tədbirlərin keçirilməsi də nəzərdə tutulub.

                                                                                        Novruz Məmmədov