Cəlil Məmmədquluzadənin 150 illik yubileyi qeyd olunub - FOTOLAR

Naxçıvan Dövlət Universitetinin Televiziya, mətbuat və ictimaiyyətlə əlaqələr bölməsindən  NUHÇIXAN-a verilən məlumata görə ali təhsil olcağında “Mirzə Cəlil Dühasının hüdudları” mövzusunda elmi-nəzəri konfrans keçirilib.

Universitetin rektoru, AMEA-nın müxbir üzvü Saleh Məhərrəmov Azərbaycan Respublikasının Prezidenti İlham Əliyevin Cəlil Məmmədquluzadənin 150 illik yubileyinin keçirilməsi barədə sərəncamını diqqətə çatdırıb.

Jurnalistika və kitabxanaçılıq kafedrasının əməkdaşları, filologiya üzrə fəlsəfə doktoru İman Cəfərov Azərbaycan ədəbiyyatşünaslığında “Cəlil Məmmədquluzadə və dünya ədəbiyyatına baxış”, filologiya üzrə fəlsəfə doktoru Xumar Məmmədova “Amerika elmi-ədəbi mühitində Mirzə Cəlil və “Molla Nəsrəddin” mövzusunda çıxışlar ediblər.

Jurnalistika ixtisası üzrə I kurs tələbəsi Qızbəsti Quliyeva “Cəlil Məmmədquluzadənin şeir yaradıcılığı”ndan danışıb.

Sonda Tarix –filologiya fakultəsinin tələbələrinin Cəlil Məmmədquluzadənin şeirlərindən ibarət bədii qiraəti dinlənilib.