Gənclər Döyüş şöhrəti muzeyini ziyarət ediblər - FOTOLAR
NUHÇIXAN xəbər verir ki, bir qrup gənc Döyüş Şöhrəti Muzeyi ilə tanış olublar. Əvvəlcə gənclərə Naxçıvan hərbi şəhərciyində açıq səma altında yaradılan Döyüş Şöhrəti Muzeyi haqqında məlumat verilib. Qeyd edilib ki, bu muzey profilinə görə 2017-ci ildə muxtar respublikada yaradılan ilk və unikal muzeylərdən biridir. Muzeydə müxtəlif hərbi təyinatlı texnikalardan ibarət 33 eksponat nümayiş olunur ki, onların da hər biri audio-məlumatlandırma sistemi ilə təmin edilib.
Sonra gənclər hər bir döyüş texnikası ilə yaxından tanış olublar. Qeyd olunub ki, burada müxtəlif illərdə döyüş növbətçiliyinə qəbul edilən 26 adda silah, top, minaatanlar, hava hücumundan müdafiə üzrə döyüş maşınları, zenit raket qurğuları, döyüş-nəqliyyat vertolyotu, tanklar, eləcə də müxtəlif hərbi təyinatlı avtomobillər nümayiş olunur.
Sadiq Məmmədov